Noraki te Kiba ni Mwaitiia Ataei n rin n te Korobu SDA Preschool, ae Riaon 500.

South Tarawa, Kiribati – E a tia Korobu SDA Preschool n roko n te mwaneka ae tamaroa, ni karekean te kabanea ni mwaiti ni karinrin irouia ataei n ana rekooti ae riaon 500. Te kiba aio ni mwaitin te karinrin ai aron ae e a kaumakiia taan tararua te reirei aei bwa a nang kamaenakoa te kareirei inanon teniua te tai n reirei, bwa e na tobwa rikiraken mwaitiia ataei.

Te moan tai bon man te aoa waniua ni karokoa ruaiwa n te ingabong., n rimwiiaki ma te kauoua ni koraki man te aoa tebwiina ni karokoa tebwi-ma-teuana. Te kabanea ni kiraati e moanaki man te aoa tebwi-ma-teuana nakon te aoa tebwi-ma-uoua n te tawanou., n te aro bwa e na tau raoi mwaitin te tai ibukia ataei ni karekea te rabakau ae te kabanea n tamaroa mairouia taan reirei.

E ngae ngke bon ti 25 mwaitiia taan reirei, ma a tobwaia ataei aika kakaokoro ake a roko man mwakoron nako Tarawa Teinainano. Te raka ni mwaitiia ataei ni katoa ririki bon te kanikina ae ota ni kinaakin te reirei. E nakon 30 nakon 50 ataei aika raka ni katoa ririki, te raka ae teimatoa are e a tia n anai nanoia taan reirei ma kaaro naba.

E taku te Burintibo ae Nei Kaue Titau bwa rikiraken mwaitin te karinrin bon man bwatiia ana ataei nakon are iaona riki. "A mwaiti ara ataei ae a reke nakon te Rurubao, te reirei ae rang kinaaki ae kabonganaaki iai te taetae n Imatang, ao ti kakoaua bwa tao aei te koaua ae e kaungaia utu bwa a na kariniia aia ataei ikai," e taku Kaue. "Kinaakin ara reirei n ana waaki ni katauraoia ataei nakon te tokanikai n aia reirei boni ngaia ae karekea te kiba ni mwaitin te karinrin n te ririki aei."

Korobu SDA Preschool bon teuana ibuakon reirei iaon Kiribati ae e a tia ni kakarekea te buoka mairoun te tautaekai. Kabwakaan booia taan reirei ma kaniwanga riki tabeua mairoun te tautaeka boni kakoroan tabena ae kakawaki ibukin karekean te reirei ae te kabanea n tamaroa nakoia ataein Kiribati. E rang kakawaki te boutoka aio ibukin buokan te reirei bwa e na kateimatoa te reirei ae te kabanea n tamaroa, e ngae ngke iai te kanganga iaon tobwaakin aia reirei ataei aika mwaiti.

E teimatoa te Korobu SDA Preschool ni katua ana waaki n anga te reirei ae te kabanea n tamaroa nakoia ataei, ao ni buokia ataei bwa a na kona ni waaki ni karekea te rabakau ao te kona n reitaki naba ma raoia n ataei.

Iai noran te nakoraoi ibukin kabwaiaia ataei nakon te tai ae na roko, ao rikiraken mwaitiia ataei ni karin bon te kakoaua iaon te mwakuri korakora ma te onimakinaki are a tia ni katikua kaaro iaon Tarawa Teinainano nakoia taan reirei.

Korobu SDA Preschool Record Enrolment 2025 , Serving Over 500 Students

Korobu SDA Preschool Sees Record Enrollment, Serving Over 500 Students

South Tarawa, Kiribati – Korobu SDA Preschool has achieved a remarkable milestone, now boasting the largest enrollment in its history with over 500 students. This impressive surge in enrollment has prompted the school administration to introduce a unique scheduling system, with three shifts designed to accommodate the growing number of young learners.

The first shift begins at 8 a.m. and runs until 9 a.m., followed by a second group from 10 a.m. to 11 a.m. The final class of the day runs from 11 a.m. to 12 p.m., ensuring that each child receives the attention and quality education they deserve, despite the large numbers.

With only 25 teachers, the school serves a diverse student body, drawn from every corner of South Tarawa. The increase in student numbers is a clear indication of the preschool's popularity and reputation, which continues to grow year after year. Enrollment increases by 30 to 50 students annually, a steady rise that has captured the attention of educators and parents alike.

Principal Mrs. Kaue Titau attributes much of the growth to the success of Korobu SDA Preschool’s graduates. "Many of our students go on to attend Te Rurubao, the top English-language school in Kiribati, and we believe this connection has inspired more families to enroll their children here," she said. "The track record of our preschool in preparing children for academic success has definitely contributed to this year's record-breaking numbers."

Korobu SDA Preschool is one of many educational institutions across the nation that have benefited from the Kiribati government’s financial support. Through the payment of teacher salaries and additional benefits, the government plays a vital role in ensuring the quality of education provided to young learners in the country. This support has been crucial in helping the preschool maintain a high standard of education, despite the challenges of catering to a rapidly growing student population.

The newly-elected school board of Korobu SDA Preschool has met twice this week to address several pressing issues, prioritizing the safety and well-being of the school community. These include key matters such as the reinstatement of a full-time security officer to ensure the importance of ensuring a secure environment for parents, vendors, and children alike, aiming to provide the best possible experience for all who enter the school grounds. Other areas that require attention include the collection of outstanding school fees, as well as the review of teachers' duties and performance.

Te Kab'arab'ara ae Boou iaon te Meetia are E beritaaki.

TE ATUA E RIKI BWA TEMANNA N AI ARORA

Koreaki iroun Jerry D Thomas

Rairaki: Kiribati Hope

"Ao a na aranna b’a Emanuera, ae ai aron ae te Atua i roura.”

Mataio 1:23

Man boong ake akea moaia, ai kaman iai Iesu ma Tamana. Bon te Atua Nga’ia ni kauoman. A kaai n onrake n te mimitong ma te neboaki ae kakannato riki nakon te b’ai teuana ae ti kona n iangoia. E roko Iesu n ara aonnaba ni kaota ao n tib’a te mimitong anne. E roko nakon ara buraneti ae rotongtong ao ni kaota otan Ana tangira te Atua-n riki bwa te Atua i buakora. Anne bukina ae e kangai te tia korea te Baibara, “A na aranna b’a Emanuera.”

E roko Iesu nakon te aonnaba aei ni kaotia nakoia aomata ao anera anuan te Atua ni koaua. Ni koauana, ao bon Ana taeka te Atua Ngaia-Ana iango te Atua ae takaruaeaki, b’a ti aonga ni kona n ongo.

Bon tiaki ti ibukia Natina iaon te buraneti aei are E riki iai n aomata Iesu ao ni kaota Ana tangira te Atua. E karaoia ibukia karikib’ai ni kabaneia. Ara aonnaba aio e a riki b’a te boki n reirei ibukin te uniweeti.

Te kantaninga i akuun Ana akoi te Atua, te miiterio ibukin te tangira ae nano ibukin kamaiuaia aomata aika bua, a na reiakinaki irouia anera n aki totoki. Te koraki aika kamaiuaki, n ikotaki ma karikib’ai man aonnaba ake aki bure a na anenea naba rongorongon maiun ao maten Iesu. A na kunea ae te mimitong are e ota mai moan Iesu boni mimitongin te tangira ae aki tatabe bon ibukina. Ana angakarea Iesu i Karevari e kaotia ae tuan te tangira ae aki tatabe bon ibukina bon tuan te maiu ibukin aonnaba ma karawa. Te tangira aio ae aki tatabe bon ibukina e nako bon mai buroon te Atua.

Ngke a tuai riki b’aai, te karikib’ai e kaota te Atua n ai aron te tirotaam. Bon Iesu ae taakina nako karawa ao ni kawenea aan aonnaba. Boni Baina, ae katinei aonnaba n te akea ao ni karaoi ueen te tawaana. E kaona te aonnaba n te tamaroa ao karawa n te anene. I etan b’aai aikai ni kabane, E korea rongorongon Ana tangira Tamana.

N te bong aei ao te bure e a tia ni katarabuaka Ana karikib’ai te Atua are kororaoi. Ma e bon tiku te koroboki iaon Ana tangira te Atua. N te tai naba aei, b’aai ni kabane aika karikaki-a kaota Ana tua n tangira te Atua-ma bon ti nanon te aomata ae tatabe bon ibukina ae e aki. Mannikiba n tatabeua nako aika kibakiba, maan ni kabaneia aika maiu ao ni mamae, a bane n iai tabeia ibukin buokaia maan ake tabeua b’a a na maiu. Baan taiani kai ma uteute a bon iai naba tib’angaia. Te ang ae te okititen are a anga e boutokai maiuia maan ni kabaneia. Ao maan a manga kabooa mwiina n te kaabon taiokitiaaite are a kainnanoia ibukin rikirakeia ao maiuia.

E maiu te karikib’ai ni kabane b’a e na anganga. Ueen kaai a tib’a nako boiararaia ma tamaroaia. Taai e anga otana ae kateimatoa te maiu. Marawa, are m’anib’an te ran ni kabane i aonnaba, e kaoka te ran are anganaki man karaanga ma kararanga inanon te karau ma te tinoo are b’aka iaon te aba.

Ao ai arona naba, b’a a kim’areirei Anera n aia anganga. N te tangira ae korakora, a tantani iaoia aomata aika mamara ao ni bubure. Inanon te aonnaba ae rotongtong, a uota otan karawa: n te taotaonakinnano ae rau, ao a m’akuri ni kaota Ana tangira te Atua nakoia aomata ao ni kairiia b’a a na reitaki ma Iesu.

Inanon Iesu ao ti nora te Atua n te aro ae e a rang ota riki. E kaota nakoira n akea te nanououa ae kim’areirein Tamana ae te kabanea ni korakora-neboakina ae te kabanea ni korakora-bon te anganga. Maiun te Atua e raanga n otinako nakon te uniweeti inanon Ana m’akuri ni mitinare ibukia aomata aika karikaki. E raanga nako inanon Natina ae tangiraki, ao inanon Natina e oki rinanon te nebonebo ma te beku ae kakim’areirei. E riki b’a naon te tangira ae korakora, ae b’aro rikaaki nakon Boton te maiu. Inanon Iesu, e tab’anin raoi te maiu ao te tangira.

TE TIOROBEKE I KARAWA

E uruaki i karawa te tua iaon te tangira are aki tabe bon ibukina. E teirake te bure b’a te tiorobeke. Rutibeero, ae te anera ae raneanea ma ni korakora, e a tangira riki ae bati. E tangiria b’a e na riki b’a te kabanea ni kakannato ni karikib’ai i karawa. E kataia n taua aroia anera man uruakan aia ongeaba nakon te Atua. E tangiria b’a a na bane anera n taraia.

Ao e a moanna n tataekina ae angkoa E kairoroa te taromauri ma te ongeaba te Atua. E katea bannan te Atua b’a te tia tautaeka ae te rikiteita ae tatabe bon ti i Bukina ae aki kona ni kariaia te titiraki ma te nanououa. Ao man iango aikai, ao Taatan e a m’am’anaia anera. Man iango naba aikai, ao e ma’m’anaia naba aomata. E kairiia b’a a nang nanokokoraki n Ana taeka te Atua ao n aki kakoaua Raoiroina. E kam’aneia b’a a nang tara te Atua ni motiraoi ao n raoiroi b’a E buakaka ao E aki kakab’arabure. Man kab’arabuakaan katein te Atua, Taatan e a katikiia aomata nakon ana rarawa. Ao e a moanaki naba mai ikai rongorongon aonnaba ae rotongtong.

Te kawai ae ti teuana ibukin kaitiakan te nanokokoraki boni katerean ae e kairua ana kab’arab’ara Taatan ibukin te Atua. E aki kona ni karaoaki aei n te kairoro. B’a akea nen te kairoro n Ana Babaire te Atua. B’a E tangira te kaeka n tangira n ti ngaia, ao te tangira e aki reke n te matoa. E aki kona ni kairoroaki te tangira ke n taumatoaaki mairoun te aomata. E bon ti kona ni kaoka te tangira temanna ngkana e bon anganaki te tangira.

Ko ata te Atua ngkana ko tangiria. Ma ngaia ae te kawai ibukin kaokaia aomata nakon te Atua boni kaotaan raoi aron te Atua nakoia aomata. E bon ti kona ni karaoaki aei iroun Temanna ae bon ti Ngaia n te uniweeti. Bon ti Iesu, are E ata Ana tangira Tamana ae akea tiana, ae kona ni kamatata te tangira anne nakoia aomata.

Te Babaire ibukin kamaiuaia aomata bon tiaki te b’ai ae e a tib’a iangoaki. E a kaman tia im’aain ae a bure Atam ma Nei Ewa. Te Babaire aei bon te b’ai ae na riki b’a mwiin te tua iaon te tangira ae aki tatabe bon i bukina. E kateaki Ana kaintokanuea te Atua ma kabutan te uniweeti iaon te tua aei. Man te tai are akea moana ao tokina, te Atua ao Iesu a kaman ata ana bure Rutibeero ao ana kewe are e na kairiia aomata nakon te rarawa naba.

E aki karika te bure te Atua. E bon aki tangiria b’a e na riki. Ma E ataia ae na bon riki ao E karaoa te Babaire ibukin katokana n te aro ae moan te kakaiaki ao ni kataweaki. Ana Babaire e kaota te tangira ae korakora are ai kaman iai i Rouna ibukin te aonnaba ao te botannaomata. E berita b’a E na anga Natina are bon ti Ana Rikitemanna, “’…..b’a e aonga n aki mate ane onimakinna, ma e na reke i rouna te maiu are aki toki’” (Ioane 3:16). 

Taatan inanon ana tiorobeke e tangiria b’a e na rang kakannato riki, ni karineaki. E tangiria n riki b’a te atua. Iesu, inanon Ana tangira ae aki tatabe bon i bukina, E aki ukoukora te neboaki ma te karineaki. E riki b’a te aomata.

E anga Nanona Iesu b’a E na karaoa te angakarea aei. E kona ni bon tiku i Rarikin Tamana ni mimitongini karawa, are E taromauriaki ao ni karineaki iai irouia anera. Ma E rineia b’a E na ruorikaaki man kaintokanuean te uniweeti n uota te ota ao te maiu nakon te aonnaba ae rotongtong.

Uoua te nga te ririki n nako i karawa, ao Iesu E katanoata kakoroan bukin te babaire are karabaaki man te tai are akea moana. “ ‘Ko aki tangiri karea ma karea aika b’araaua, ma Ko katauraoa Rab’atau i m’aiu….“Norai I a roko. E koreaki Taekau n te Niira ni Boki. Te Atua, I a roko b’a N na toua mwiin Am taeka.” ’ ” (Ebera 10:5, 7). E tauraoi Iesu ni kawara ara aonnaba ao n riki b’a te aomata.

Aomata a bon aki kona ni maiu inanon noran mimitongin are bon Taraana. Ma bon ti inanon te rab’ata ae karauaki ni katauraoaki ae E a kona iai n nakonako i buakora. E rabunaki Rikina n Atua n te rab’ata n aomata; Mimitongina ae aki nonoraki e karabaaki n Rab’atana n Aomata ae nonoraki.

Ngke a ririanna Iteraera inanon te rereua, ao Iesu E maeka i buakoia inanon te um’anibotaki are E tuangiira b’a a na kateia. N te tai aei E a manga moan roko ni maeka i buakoia aomata, n reireiniira te koaua iaon katein te Atua ao Ana tangira.

Imwiin rokon Iesu ni maiu b’a te aomata, ti ataia ae te Atua E bon atai kataakira ao n nanoangaira n ara kanganga. A kona n noria aomata ni kabaneia ae ara Tia Karikib’ai bon Raoraoia taani bure. Maiun Iesu ni kabane n te aonnaba aei, m’akuri n tangira ni kabane, berita aika kakim’areirei ni kabane, reirei iaon te akoi ni kabane a kaota te Atua ae maeka ma ngaira.

E taku Taatan b’a Ana tua n tangira te Atua bon te tua n tiorobeke, ae matoatoa kawakinana. E bukina te Atua ibukin aia bure Atam ma Nei Ewa ao te rawawata ni kabane ake a riki mai imwiin te bong aei. E kairiia aomata b’a a na tara te Atua ma Ana tua b’a ngaia ae karika te bure, te maraki, ao te mate.

E roko Iesu ni kaotia ae e kairua Taatan. Ngke te aomata, E kaotia ae kona ni kawakinaki te tua. Ao E riai ni kaitarai kariri ni kabane ake e na kaitarai te aomata. Ngkana arona b’a e na kaitara te kataaki te aomata ae E aki kaitara Iesu, ao ane E na taku Taatan b’a akea korakoran m’aakan te Atua i bukira. Ibukin aei, ao Iesu E tokanikai iaoni kataaki ni kabane ake ti kaitarai. E aki kabongana te m’aaka are E aki anga te Atua nakoia aomata ni kabaneia.

Ngkai te aomata, E kaitarai kariri n te korakora are E anganaki iroun te Atua. E m’am’ananga ni karaoi m’akuri aika raraoi ao ni kamaiuia ake a karawawataaki. E kaota te koaua iaon Ana tua te Atua ao nanon te toro iroun te Atua. Maiun Iesu e kamatoa ae ti boni kona naba ngaira ni kawakin Ana tua te Atua.

Man Rikina n aomata, E roko Iesu irouia aomata. Man Rikina n Atua, E bon taua naba Ana kaintokanuea te Atua. Ngkai Natin te Aomata, E anganiira te katoto iaon maiuakinan Ana tua te Atua. Ngkai Natin te Atua, E anganiira te korakora bwa ti na karaoa naba anne. Boni Ngaia ara Kakoaua ae e kona n tokanikai te aba iaon te bure. Inanoni M’aakana, a kona ni kawakinaki tuani karawa.

Iesu E anganako te karineaki ao te neboaki b’a E na riki b’a te aomata. E kaotia ae Kateina boni kaitaraan raoi are katein Taatan. Ma E riaon riki aei Iesu. E aki ti riki b’a te aomata. E riki b’a te karea ibukini kamaiuaia aomata.

E KARAOAKI NAKOINA ARE E BON RIAI NI KARAOAKI NAKOIRA

E karaoaki nakon Iesu te b’ai are e bon riai ni karaoaki nakoira, b’a ti aonga ni karekea te b’ai are E bon iai n reke i Rouna. E kabuakakaaki ibukin ara bure, are bon tiaki Ana bure. E riki aei b’a ti aonga ni kona ni kamaiuaki n Raoiroina, ae bon akea rekerekera iai. E matena matera, b’a ti aonga ni kona n anganaki Maiuna. “Ti kamaiuaki n Oreana” (Itaia 53:5).

Inanoni Maiuna ma Matena, Iesu E karaoa ae riaon riki ae ti kaokan mwiin te urub’ai are reke n te bure. E kataia Taatan ni kamaenakoia aomata mairoun te Atua n aki toki. Ma ibukin Iesu, ao ti a kabaeaki riki ni kaan nakon te Atua nakon are ti aki bure iai. Ngke E riki b’a temanna ibuakora, ao Iesu E kabaea ma te aomata n te kabae ae aki kona n uruaki.

Ngke E “tangiria aomata” te Atua n te aro are E anga Natina ae te Rikitemanna iai, ao E anga te Nati anne nakoia aomata n aki totoki. E a tia te Atua ni butim’aea te aro n aomata i Nanon Rab’atan Natina. B’a i Rouna, ao te Atua E uota te aro n aomata anne nako karawa.

Bon “Natin te aomata” ae E b’aib’ai ni kaitokanuean te uniweeti. Inanon Iesu, a tomaaki n ti teuana te utu i aonnaba ma te utu are i karawa. B’a bon tarira.

Inanon Ana m’akuri Iesu, ao e tei ni karaoiroaki Ana tautaeka te Atua iaon te uniweeti. E kaotaki te Atua n te ataib’ai b’a te Atua ae akea tokin Ana tangira. A noraki ana bukibuki Taatan b’a a bane ni kairua, ao e a bon otara naba kateina ae buakaka. E aki kona ni manga teirake te rarawa nakon te Atua. E aki kona ni manga waerake te bure n te tabo teuana n te uniweeti. A nang mano karikib’ai ni kabaneia n taabo nako. Man te angakarea n tangira, ao a kabaeaki kaain karawa ma aonnaba nakon aia Tia Karikib’ai ni kabae aika aki kona n uruaki.

E nang bobonga raoi kamaiuaia ake a bua. Ike e tara ni korakora iai te bure, ao e a korakora riki Ana akoi te Atua. Te buraneti are e a tia ni bobuaka te aba iai, e nang anganaki nena ae rine iaoia buraneti ake nikiraia. E nang manga kabouaaki te aonnaba are E maeka iai ngkoa Uean te mimitong, ni maraki ao ni mate. Ikai ao E nang maeka te Atua ma Ana aomata.

Inanon te tai ae akea tokina, ao a na nakonako uake a kamaiuaki inanon otan aia Uea. A na neboneboia ibukin Ana b’aintituaraoi ae te tangira ae riaon ae kona n iangoaki-Emanuera, “Te Atua ibuakora.”