A Botaki i Samoa Minitan Tautaeka man 15 Aban Tebetebeke....

Kiribati bon raoia aban Tebetebeke aika tebwi-ma-nimaua aika botaki ngkai iaon Apia, Samoa, n te wiiki aei ibukin manga rinanoan are a tia ni wakinna iaon karikirakeaia ataei ake a uarereke ke te early childhood development mai imwiin aia bwabwaro are n 2023.

Ibuakoia aba ake a roko bon Aotiteria, Cook Islands, Biiti, Nauru, Niue, Palau, Papua New Guinea, Matiare, Samoa, Toromon, Tonga, Kiribati, Tokelau, Tuvalu, ao Vanuatu.

Ake a tei mai Kiribati bon te Minita Ibukia Aine, te Roronrikirake ao Mweraoia Aomata, Hon. Ruth Gross, ao ai te Minita ibukin Reirei, Hon. Ruateki Tekaiara.

Te bwabwaro aei ae tenibong bongina are waaki man Meei 13 nakon 15—e a karokoia minitan tautaeka ao taani kairiri man te kuakua, te reirei, ao mweraoia aomata ibukin maroroakinan aron anganakiia ataein Tebetebeke te moani waaki ae tamaroa ni maiuia.

Iaan te botonniango ae “Ara Ataei, Boni Kinaakira: Te Kona ni Maiu inanon Tebetebeke ae Buruu Inanon te ECD Leadership,” e waaki te boowi ma noran mwaakan te katei, te rikia, ao te tararua ibukin karikirakean aroia ataei.

E ngae ngke e nakoraoi ae e a tia ni wakinaki, ma a teimatoa n iai kanganga—riki ataei aika kaitara te maiu ni kainnano, te kai rotaki ke te katinanikuaki.

A tua taani kairiri bwa e na kamwaitaki riki te kabanemwane iaon waaki aika a boni kakaraoaki irouia te botannaomata, n aron torotorobaia ataei, are e aki ti kaota te tangira ma e boutoka naba marurungiia.

E karaoaki te bwabwaro aei n te tautaeka n Samoa ao ni boutokaaki iroun UNICEF, Nutiran, Aotiteria, ao aban te Pacific Islands Forum, are e katuuaki iai te kataratara ae ti teuana n Tebeteebeke: ae na noraki iai te ataei bwa e tararuaaki, e katanaki, ao e anganaki ana tai ni waakirake.