A Na Moantaai n Rootaki moa Kiribati, Tuvalu ao Biiti n Rakan Rietan Taari n 2050 tabun........

E teimatoa Bibitakin Kanoan Boong n riki bwa te bwai ni kakamaku nakon aban Tebetebeke, n rekereke ma taeka ni kauring aika boou aika manga tibwa waerake.

E ribotinna NASA bwa aba n aron Tuvalu, Kiribati, ao Biiti a na kaitara te keerake n rietan taari ae 15 te tientemiita inanon 30 te ririki.

Are nanona bwa Kiribati e kona n rinanon 65 te bong ae na iekaki iai matanwiin te aba n te ririki 2050 tabun.

E ngae n anne ao a tia ni karaoaki waaki ibukin te katauraoi imwaain rikina. E katerea te Beretitenti n te Bangke n Aonnaba ae Ajay Banga imwiin kawarakin Tuvalu irouna bwa e kakawaki katauraoaia te roronrikirake n Tebetebeke bwa a na kona ni kaitarai kanganga aikai.

E katuruturua katean riin-te-waaki aika kakawaki ibukin kaitaraan aei, ao bon te angareirei naba ao te kamarurung ibukin katauraoaia te roronrikirake ibukin kaitaraan bibitakin kanoan boong ao karekean mwakuri ibukia—riki ngkai e nang bae n tara ni bwai te eweati nakon aba aika bubura.