A Tei i Moan te Waaki Ataein te Ekaretia ni Kaitibong Ibukin te Botonniango ae “N na nako”…..

A tia ataein te Aro ni Kaitibong i Kiribati ani kamwakura aia onimaki inanon waaki n ibuobuoki nakoia te botannaomata.

N te wiikente are nako, a mwananga ataein te Adventurer mai Betio ni kawariia aoraki n te onaoraki are i Betio, n anene, n tibwatibwai amwarake ao n tataro nakoia aoraki.

Te waaki aei e uota te kukurei ma te kabebeteaki nakoia aoraki ao taani mwakuri n te o-n-aoraki are e oti iai Kuristo tiaki ti inanon te taeka ma te mwakuri naba.

N te kaawa ae Nanikaai ao a waaki naba ataein te Adventurer ni boutoka te waaki n tutuo ibukin te tioka ao te rietata-n-rara n anene nakoia aomata ake a roko ao n anga naba te amwarake.

Waaki irouia ataein te Ekaretia ni Kaitibong e kaota te reitaki inanon te waaki ae ti te tikina iaon Tebetebeke.

Iaon Toromon e raka iaon 200 te roronrikirake man te Kukum SDA Church ake a tibwa ti naba ni karaoa aia reitaki ni kamatoa iaan te botonniango ae “Kanoaai, te Uea, ao N na nako!”

Aio bon te waaki ni katauraoi nakon ana burokuraem ni kabwarabwara te Youth ae “Bwanaan te Roronrikirake, are e na karaoia ibukin te kabwarabwara ae bubura ae Toromon Ibukin Kuristo n te ririki 2026.

Mai Kiribati nako Toromon, ao e rang matata te rongorongo: Bwa a teirake ataein te Ekaretia ni Kaitibong ni karaoa te mwakuri, n tauraoi n uota te kantaninga ae raoiroi ma te kakamaiu nakoia te botannaomata.