E a Waaki Pacific Adventist University Iaon Ana PhD Program ae Boou

E a tia Ana Kuura ae Rietata te Aro ni Kaitibong ae te Pacific Adventist University ni waakina ana Burokuraem ae boou ae te Doctor of Philosophy n te Reirei ao te Bitineti, are e a kanikinaea naba kabuburaan riki ana anga beebwa riaon te masters.

E taku te rongorongo mai PAU bwa e karaoaki aei ibukin kakorakoraan riki te kamatebwai ma te kairiri n Aonon Tebetebeke, n te aro bwa a nang kona ataei n noori riki kukune aika rang boou riki iaon te rabakau n te reirei ma te bitineti iaon Babua Nukin ao n nako riki.

E kaungaia ataein te Kauoman Chancellor i PAU ae Professor Lohi Matainaho bwa a na kabongana te tai aei ao ni karekea are te kabanea n tamaroa, ao a na buokaki irouia taan reirei.

E taku PAU bwa waakinan te burokuraem ae boou iaon te PhD e kaota ana motinnano te university nakon te reirei ae te kabanea n tamaroa ao karikirakean te aono.

A mwaiti I-Kiribati aika a tia n reke aia beebwa n tia reirei iaon rabakau aika kakaokoro ao ae a mwakuri ngkai n te tautaeka ao Aaro. N te ririki aio, ao e tabe n rikirake mwaitiia ataein Kiribati n rin i PAU ibukin anaakin beebwa aika kakaokoro.