E Booa Ana Botaki ni Butimwaai Nutiran iaon Amerika nakoia Taan tei man Aban Tebetebeke

E A TIA ANA AMBAETIETA NUTIRAN NAKON AMERIKA ae Nei Rosemary Bank ni kaota kukureina ni kakaitibo ma ana Tia Tei Kiribati ikekei ae Teburoro Tito n ikotaki ma taan tei man aban Tebetebeke ake tabeua.

E taekina aio Ambaetieta Bank inanon bukamaruaan te reitaki ao te iraorao iaon Washington, D.C. Amerika, ngke e booa ana Botaki Nutiran ikekei ni butimwaiia taan tei man Tebetebeke.

E roko n ira te botaki aei taan tei man aban Tebetebeke aika 12 ake a aobiti iaon Amerika, are e kaota te reitaki ae nano imarenan Nutiran ma raona n Tebetebeke.

E kaonaki te tairiki anne ma te kaai ni maroro n reitaki n taratarai aron bwaai aika rekereke iai aban Tebetebeke.

E kamatoa ana motinnano Nutiran ibukin boutokaan rikiraken Tebetebeke, n te waaki n tautaeka, te katei, ao ni katuruturui riki itera n reitaki iaon bibitakin kanoan boong, te rikirake ni kaubwain te aba ao tanin te aono.

E teimatoa te reitaki aei n riki bwa te tai ibukin bukamaruaan tiaki ti te reitaki n tautaeka ma bon te reitaki naba n te katei ngkai ti te utu teuana n Tebetebeke.