E Kaobiia te Baibara n Tabonibaina Inanon Aua Tabun te Ririki....

Ao n te rongorongo riki teuana mai Brazil are mai maiaki, ao e tia te neeti, 65 ana ririki ae e riitaea n angan te Ekaretia te ungannano n ana anganano ae moan te bubura ae te Baibara ae e boni koroia n tabonibaina.

Te unaine aei bon Nei Eliana Selmer, ae kaain te Aro ni Kaitibong mai Castro, Paraná, are e moana korean kaobiin te Baibara n tabonibaina man te ririki 2006 bwa e aonga ni kona n ururinga raoi riki Ana Taeka te Atua.

Ni katoa ingabong imwaain ae e nako ni mwakuri, e kabanea 45 te miniti ni kaobiia te iteranibaa teuana—ao te teimatoa ni kakaraoa anne inanon te maan ae raka iaon aua te ririki.

A kabonganai kai-ni-koroboki aika 35, ao e kaon 2,500 te iteranibaa ae on inanon aua te waoriom.

Ana moani Baibara ae bwanin are e koroia n tabonibaina e angan natina te mwaane bwa ana bwaintangira.

Ao e aki toki ikanne, ma e a manga moani karaoa ana kauoua ni kaobii ibukin natina te aine—ma n te tai aei ao e a kabongana te ingke ae kiriin ni katurui ake Ana Taeka Iesu.

E riki ana waaki aio bwa te bwai ni kaunga nakoia raona n aine.

Ao a manga katotonga are e karaoia ainen te Ekaretia, ao n tokin te tai, e riaon tebubua ao angaun aomata ake a kaaina te Waaki ni Kaobi-Baibara aio.

Ao n tatabeman nako a kaobiia teuana te Mwakoro, ao ni karokoa ae a karaoa te Baibara ae moan te tamaroa ae koreaki n te bai.

E taku te Mitinare ae Luiz Ferreira bwa te waaki aio ai aron ae e a tia ni kairiia aomata ni kaniia riki ma Ana Taeka te Atua—tiaki ti te boki ibukin te taromauri, ma bon mwakoron naba maiuia ni katoabong.