E Karairaki Nei Miss Kiribati Ma Teniman Raona Man te Pacific Leaders Youth Forum, Tiaina

E okira Tarawa Nei Miss Kiribati ni moan te wiiki aei imwin kabanean teniua te wiiki iaon Tiaina, ngaia ma uoman raona ike a tei iai ibukin Kiribati n te Pacific Leaders Youth Forum are karaoaki ikekei.

E taku te rongorongo are ti karekea man ana iteraniba n reitaki te Minita ao te Tia Tei mai Tamana ae Honourable Tekeeua Tarati bwa e a manga kibanako Nei Miss Kiribati n te bong aei nakon te abamwakoro ae Tamana n raona ana Tia Tei Tamana bwa e na kaoti naba ana kai aika katitika nakoia kain Tamana.

E na tiku iaon Tamana Nei Miss Kiribati teuana ana wiiki ao n okira Tarawa n te Katenibong te wiiki are na roko. E taku naba te iteranibaa aei bwa e na reke naba ana tai Miss Kiribati n reireinna aia taetae ni kikimarimari kain Tamana. 

E reitinako kinaakin Nei Miss Kiribati tiaki ti iroun te tautaeka ni Kiribati ma boni kaain Kiribati ao ana boutoka imwiin kaotakin matan Kiribati n arona aika rang katitika man tonutonu n tain te kabo-tikiraoi ae nako are karaoaki iaon te aba ae Toromon ibukin Nei Miss Pacific Island.