E kinaaki Manaus Adventist Hospital Ibuakoia Kabanea n Tamaroa n Onaoraki iaon Brazil

E A TIA NI KINAAKI TE MANAUS ADVENTIST HOSPITAL ibuakoia kabanea n tamaroa n Onaoraki iaon Brazil te kanimaua n tai n te ririki aei.

E taku ana Beebwa ni Kaongora te Aro ni Kaitibong ae Adventist Review bwa e a tia te Onaoraki aei ni kauangaun ma teniman iaon Brazil ni kabane, ni kiba rake uoua te tai man 2024.

E raka iaon 6,000 bootan mwaitin onaoraki iaon Brazil, n ikotaki ma aa onaoraki te tautaeka ao ake aia bwai aomata.

Te kinaaki aio e kaota ana motinnano te onaoraki aei nakona re te kabanea n tamaroa n ana tieweti, are kabotoaki iaon ana mwakuri are moanaki e raka iaon 90 te ririki n nako.

E taku te Tairekita Tienera n te Onaoraki ae Gideon Basílio bwa a kakoaua ae a rineaki ibukin te mwakuri ni kakamaiu, ao a rineia bwa a na karaoia n are te kabanea n tamaroa ni karinea ao ni kamimitonga iai Aran te Atua.”

E a tia te Ekaretia ni Kaitibong ni kamwakuri e kaniia 1,000 taabo ni kuakua ni katobibiia te aonnaba, n ikotaki ma onaoraki ma Kiriniki, ao kambwana ni karao-amwarake aika baeranti ke Sanitariums. Taabo ni Kuakua aikai a katauraoi 36,000 kainiwene ao ni kamwakuriia e nakon 78,000 taani kuakua. Ni katoa ririki, a butimwaaia aoraki ae nakon 1.5 te mirion bwa a na rin, ao 20 te mirion n te outpatient.