E na Waaki te Kabwarabwara ae Bubura n te Trans Pacific Union n Tuun 2026

E a tia te Trans Pacific Union Mission (TPUM) ni kotea Tuun 2026 bwa te tai ni kabwarabwara n te aono ae na aranaki bwa "TPUM for Christ".

Aio bon te kabanea ni bubura ni kabwarabwara ni karaoaki n aonon TPUM, are a reke iaan aba n aron Toromon, Biiti, Vanuatu, Samoa, American Samoa, Tonga, ao Kiribati.

E kantaningaaki te kaembein aei bwa e na karokoia bubua ma bubua taani kabwarabwara man aonon Tebetebeke ao te aonnaba, ao n tibwatibwaaki nakon aban Tebetebeke ake a iri

I Kiribati, ao e a kaman waaki ana waaki te Kiribati SDA Mission ni katauraoi imwaain aio.

E kamatoa te Beretitenti n te Kiribati Mission ae Pastor Taabua Rokeatau, bwa a na iai taani kabwarabwara mai tinaniku ake a na roko I Kiribati ibukin buokan te waaki ni kabwarabwara iaon Kiribati.

Ibukin aei ao a tia ekaretia ni kabane iaon Tarawa ni karaoa aia wiiki ni kai-n-tataro n te wiiki are nako.

Te kamatoa aio boni mwakoron te katauraoi nakon kamatoaan te onimaki imwaain te taia re a na otin ako iai ni kawari mweenga iaon Tarawa ma Betio ni karaoi tutuo ibukin aoraki aika te tioka ma te rietata n raraa—aoraki aika uoua ae tenaan kabanea ni kakaiaki iaon Kiribati.