E tauraoi Kiribati Hope Radio n Ira Buakon te Reirei ni Maroro i Tiaina iaon Kanganga ma Kabwaia inanon te Roro ae E a kabonganaaki iai AI.

E na kitana Tarawa n te wiikente aei te Taerekita n Kiribati Hope Media ae Tarataake Angiraoi ni kaea TIAINA ibukin irakin te Reirei ni Maroro are na karaoaki man Eberi 20 nakon 29, 2025.

E na karaoaki te burokuraem ae 10 bongina aei ni mwakoron Tiaina aika Beijing, Chongqing, ao Shanxi, ao e kantaningaaki bwa e na kaunga te maroro imarenaia bwakuaku n te kanako-rongorongo iaon kanganga ma kabwaia aika kona n reke n te roro ae e a kabonganaaki iai te AI.

E mwanenaki te reirei aei iroun Tiaina ao e na katuuaki iai te maroro iaon ana waaki Tiaina aika Boou ao kakawakina nakon waaki n tautaeka n te aonnaba, n ikotaki ma te maroro irouia mataniwi ni kanakorongorongo mai iaon Tiaina, taani karaoi babaire, ao tabeman man botaki itinaniku.

A kantaningaaki kaain te reirei aei bwa a na newebai naba taabo tabeua n aron taabo ni karekerongorongo ao taabo aika kinaaki iaon katein ma rongorongon Tiaina.

E kantaningaaki irin Tarataake aio bwa e na uota te rongorongo ae kakawaki ibukin ana mwakuri te karekerongorongo iaon Tebetebeke ao ni buokanibwai naba n te maroro ae kakawaki iaon te reitaki iaon te kareke-rongorongo ao te rikirake n te aonnaba.

Tiaki ti ngaia ma e kantaningaaki naba te reirei aei bwa e na kamatoa riki te reitaki n iraorao imarenan botaki ni karekerongorongo iaon Kiribati ao Tiainanda China.