E Waaki te Botaki n Akawa Ni Katauraoi Imwaain Bowiin Aban PNA N Tuun

Iroun Karaiateiti Benson

E a tia ni moana Ana Kaitiaki te Botaki n Akawa nakon mwaaken te Kiritimati Island Fisheries Limited, KIFL are i Ambo.

E boboto te kaitiaki iaon te katauraoi nakon aia boowi Minita man aban nako te PNA are e na karaoaki ni moan Tuun iaon Kiribati.

Te kantaninga bwa te kaitiaki aio e na kona n bita taraakin te tabo aio bwa e na itiaki ao n tararaoi imwaain rokoia ana kauatabo Kiribati man aban PNA.