Kabwarabwara Iaon Bwaai n Itoman Aika Boou....

E a tia te Mition n te Aro ni Kaitibong ae te New Highland Mission iaon Babua Nukin ni kauka ana moan kaonburenti iaon te Waaki Ni Kabwarabwara ae te Digital Discipleship—are e reitaki iai ma te Sonoma Adventist College.

E raka iaon 300 mataniwiin te waaki n itoman man ekaretia nako ae a ira te kaonburenti aei ibukin reiakinan te rabakau ni kabwarabwara iaon te karaki, te rawetamnei, te karao-video, ao aron kabonganaan naba te artificial intelligence AI ae riai—are a bane ni buki iaan kabutanakoan te Euangkerio inanon bwaai n itoman aika boou.”

A taku taani kairiri n ekaretia bwa moanibaan te kakawaki te reirei aei ibukina bwa ngkai e a onrake te aonnaba n rongorongo aika aki eti, ao e a riai ni kabutimwakaaki riki Aia Rongorongo Anera Ake Teniman inanon te intanete.

Ngkai a reke inanoni baia bwaai ni mwakuri aika boou ao te mwioko inanoia, ao a nang waaki taan taetaekina te rongorongo aio ni katangmwaaka te kantaninga ae raoiroi iaon Babua Nukin—ao n nako riki.