Ko Mena n te Aono ni Mainiku? Tara Kanoan Am Bong Ikai

Te Aono n Raina meang ao Rawaki: 

Karematoan te ang rimarenan Katauraoi #62:

E teimatoa katautaun karematoan te ang rimarenan tai ibukin te Aono n Raina meang,riki Teraina ao Tabuaeran. A kauringaki kain aono aikai ni bwaina te taratara raoi. 

Tauan kanoan te bong ibukin te Aono n Raina meang ao Rawaki are katauraoaki 0600am, Tabati 27 n Eberi 2025 ao n toki kabonganaana n te aoa 6pm.

Te Bwai ae e Riki: E teimatoa te bwarikoriko n nang ae te ITCZ ni mwaingiing nako Maeao riaon te Aono n Raina Meang. Irarikin anne, ao te nang-buaka ke te Trough of low pressure, e teimatoa i Maiakin te Aono n Rawaki.

Aono n Raina meang:

Te ang ae beebete man matoa tau mai Meang-mainiku nako Mainiku ae 02-16kt. E kona ni karematoa rimarenan tai iaon Teraina ao Tabuaeran.

Taari ena raoi man marebu.

Teraina:

Taraan te ngaina aio: E na uananginang n angin te tai man karau ae beebete.

Taraan te tairiki: E na uananginang man karau ae beebete.

Tabuaeran:

Taraan te ngaina aio: E na uananginang n angiin te tai man karau ae bon tau ma rebwen te baa n taabo tabeua.

Taraan te tairiki: E na karau ae beebete nakon ae bon tau.

Kiritimati:

Taraan te ngaina aio: E na uananginang n angiin te tai man mabururu ni karau.

Taraan te tairiki: E na uananginang man mabururu ni karau ke ni karau ae beebete.

Kanton:

Te ang ae beebete man matoa tau mai Maiaki-mainiku nako Mainiku ae 02-13kts.

Taari ena raoi man marebu.

Taraan te ngaina aio: E na uananginang teutana man mabururu ni karau ke ni karau ae beebete.

Taraan te tairiki:  E na raoi tii te mabururu ni karau n taabo tabeua.

Kawain Namwakaina:

1 te bong imwain te Oti.

Katautauan te ora ma te iabuti:

Kiritimati

	Ora	Iabuti	Ora
Tai	0950am	0421pm	1037pm
Rieta (m)	0.32	1.22	0.35

Kanton

	Iabuti	Ora	Iabuti
Tai	0603am	1212pm	0624pm
Rieta (m)	1.72	0.53	1.71