Manga Roko te Mari i Kiritimati Imwiin Ukin Kibakiba mai Tinaniku

Iroun Tarataake Angiraoi

E a tia aban Kiribati ae Kiritimati ni manga uki nakoia taan neweaba mai tinaniku imwiin teniua tabun te ririki n in.

N te tai aei ao e a manga oki kibakiban Fiji Airways ni katoa wiiki mai Nadi ao Honolulu.

E kantaningaaki manga ukin Kiritimati aio bwa e na uota rakan te kaubwai nakon Kiribati, riki nakoia taani waakina te kaneweaba iaon Kiritimati ake a tia n toki ngkoa aia karekemwane n te kainiin ibukin Covid-19.

E mwaiti ibuakoia ae bon aia bitineti aomata ke botaki, ao a rang katan iaoia taan roroko m ai tinaniku—riki bon taan roko n takakaro n roaroa n ikan Kiritimati aika rang amwarake.

E taku te Botaki ni Kaneweaba mai Kiribati bwa manga okiia taani mwamwananga mai tinaniku nako Kiritimati e kanikinaea manga okin kaubwain te aba ao te botannaomata iaon Kiritimati.