Moanaki n te Bong aei te Moanibong ni Motirawa Ibukin Bukamaruaan Ana Kabwi-ma-Onoua n I-Naomata Kiribati.

Bairiki, Tarawa – Kanimabong, 11 Tuurai 2025E moana ana Ka-46 n Ririki n Inaomata Kiribati n te bong aei, ma inin ana aobiti nako te tautaeka iaon Kiribati.

Kanoan te bong aio ae kakaongora bon te Ikotaki n Taromauri irouia Aaro ni mwaneaban te Katorika ae Santo Iotebwa i Teaoraereke.

E koningning nanon te mwaneaba irouia irua ma Kiritian man aaro nako iaon Tarawa.

E waaki te taromauri man te aoa tebwiina n te ingabong aei are e a kauka naba kanoan te Kainaomata e kakawaki ibukin Kiribati.

Te Ikotaki n Taromauri bon mwakoron te Motirawa ae ia Bong Aaro, are e a tia ni kakaraoaki ni katoa inaomata.

Kanoan te kainaomata aei ae kakamataku bon te Kabotikiraoi, te Kaunrabwata, Kauaia-waa ao a bati riki.

Tiiku ma ngaira ibukin reitan te rongorongo iaon A  na Kabwi-ma-Onoua n Inaomata Kiribati n te wiiki aei.