Okira Tarawa te Taairekita n Kiribati Hope Media man te China Media Leaders Seminar

E okira Tarawa n te wiikente ae nako Tarataake Angiraoi, te Director n Kiribati Hope Media, imwiin irakin te Maroro Ibukia Mataniwi ni Kanakobwana ma Karekerongorongo are karaoaki iaon mwakoron Tiaina aika Chongqin, Xanxin, ao Beijing.

Te Maroro arei are e ikotiia 23 taan tei man botaki ni Karekerongorongo mai Eurobe, Aberika, Atia, ao Tebetebeke, e boboto iaon ana waaki ni Karikirake Tiaina ni Kabooua Aon Tiaina—are moanaki man ana Burawinti ae Chongqin.

E rekereke naba n aio kakawakin te waaki iaon kakorakoraan te reitaki irouia botaki ni Karekerongorongo n te aonnaba.

E taku te Taairekita n Kiribati Hope Media ae Tarataake Angiraoi bwa e reke aia tai taan tei n nora raoi aron rikiraken Tiaina are moamoa iai taraakin maiuraoia ana botannaomata, ao n anga naba aia taratara ni kabotau ma are a noria n aia tabo nako.

E reke naba aia tai n nori taabo aika rang kakawaki n rekereke ma katein ma rongorongon Tiaina ae 5,000 te ririki manna, ao aroni kateimatoaaia ma karikirakeaia, bwa a na ira buakon te rikirake ae booureirei.

A mwaiti bwaai aika a reiakin inanon ana rikirake Tiaina n ikotaki ma aaro ni kareke-rongorongo ma kanakorongorongo aika boou ni kabonganaan rabakau aika boou n aron te Artificial Intelligence ke te AI.

E anga ana kakaitau ae bati Tarataake nakon te tautaeka n Tiaina ibukin ana boutoka nakon Kiribati Hope Media n iteran te reirei ma te kataneiai iaon Tiaina n ikotaki ma te Maroro irouia Mataniwi man Botaki ni Karekerongorongo ae e a tibwa tia aei.

Ao tiaki ti ngaia ma e anga naba ana kakaitau Taairekita nakon Tiaina ibukin ana ibuobuoki naba are e a tia naba n anga ibukin boutokaan katean ana terewition ae boou Kiribati Hope Media ae iaoni kawaina n tia…/////