Raka iaon 13 te Mirion te Bakao ae na tibwatibwaaki Iaoia Membwa n Ana Kaintabwi Kiribati...

E a tia te Baba n Tararua n Ana Kaintabwi Kiribati ni bairea kabwakaan te bakao ae raka iaon 13 te Mirion te Mwane n Aotiteria nakoia ana membwa ibukin tokin te ririki 1 Eberi 2024 nakon 31 Maati 2025.

E nako te katanoata aio imwiin kaotakin te bakao n te ririki ae 5.85 te katebubua, te mwaiti ae riaon are ana kabanea n uarereke te kambwana, e ngae ngke e reitinako te kanganga n te mwane n te aonnaba.

N ana kaongora are e kanakoa, e kabwarabwara te Baba n Tararua ae e irengan aron biribirin ma korakoran ana karekemwane te mwane ni kaintabwi inanon te ririki.

Aio e boboto man korakoran ana karekemwane are e karikirakeaki i aban tinaniku ao bon ana karekemwane inanoa, riki bon te Katangomwane ae Uarereke.

E ngae ngke iai kanganga iaon te mwaakete ao e baireia te Baba n Tararua bwa e na bon anga naba te kabanea n tamaroa ni bakao ibukin te ririki aio

Te ikota ni mwane ae $13.12 te mirion e na tibwatibwaaki ni kabwakaaki nakon aia akaunti taani bwaibwai n Ana Kaintabwi Kiribati ibukin te ririki ae toki ni Maati 31, 2025.