"Reitinakon te Tutuo iaon Tabiteuea E Kakerakea te Marurung

E karaoaki ngkoananoa reitan te tutuo iaon te kaawa ae Tabiteuea, Tarawa Ieta iroun te tiim man te Kiribati SDA Mission Health Department.

E kairaki te tiim aio iroun te Health Director n te Mition ae Nei Teera Katarake, ao ni buokaki irouia Ambaetieta man te 10,000 Toes aika Kabure Kamoti, Rabwanteuea Ruata, Riatae Auatabu, Tuakabwan Tevesi, ao Nawaia.

Te tutuo aio bon reitan are e a tia ni karaoaki mai imwaaina inanon Eberi, are raka iaon iteraia kaain te kaawa aika a ira te tutuo.

E taku Teera bwa te bwai ae rang kaunganano bon noraia kaain te kaawa tabeman bwa iai raoiroin mwiin aia tutuo n te tai aei imwiin irakin nanon are a tuangaki n te moan tutuo.

E kantaningaaki bwa e na manga moan roko naba te tutuo riki n Tuurai te ririki aei, riki iaon aoraki aika te tioka ao te rietata-n-rara.

N te tutuo ae na roko, ao a na reiakinaki kaain te kaawa aron kuukanakin amwarake aika baeranti ma ni kamarurung.

Te waaki aio bon reitan te waaki iaon karikirakean ma kaungaan te anua-ni-maiu ae marurung nakoia kaain te kaawa.