Teke n te Drone Ana Kaa-n-Ibuobuoki ADRA i Ukraine Inanon Ana Tai n Nikira te Amwarake n te Tabo ni Buaka
- Tarataake Angiraoi
- May 30
- 1 min read

E a tia n teke n ana kanoa te drone Ana Kaa Ana Botaki n Ibuouoki te Aro ni Kaitibong ae ADRA iaon Ukraine inanon ana tai n nikiri kaako amwarake n te kaawa ae Urozhaine, ni mwakoron Ukrain ae Kherson.
E teke te kaa aio n te drone ae kaoti mai bukina n ana kabanea n uraki ibukin amwarake ake a karekeaki man Mwangan te Botaki ni Botannaomata ae te UN.
E tekeraoi bwa akea te ikoaki ae ribotinaki n te bwai ae riki aei. E ikakaai te turaiwa ni buti nako man te kanganga aei ao ni kamanoi nkkiran kaako ake iaon ana truck.
E riki te kanganga aio ngkai e rang korakora te kakamaku man wbaai ni buaka aika kibakiba ieta n te aro are e a katoka moa nikiran kaako buoka inanon te tai aei.
E ngae n anne ao e a tia te truck aio n nikiri 380 kaako amwarake nakoia kaain kaaawa aika teniua iaon te mwakoro ae Beryslav imwiin kitanan Kryvyi Rih n te ingabong anne.
Aio ai bon te kauoua n tai ae a reke iai n te kanganga taani mwakuri n ADRA iaon Ukraine inanon namwakaina aikai.
Iai naba are e riki ni Beberuare ngke aitara naba iai ADRA ma ana kanoa te drone are e ikoaki iai te tia ibuobuoki ao a mwaiti naba kaako ake a uruaki n ikotaki ma te kaa n uraki.
E teimatoa ADRA n reita nako ana mwakuri iaan kanganga aika kakamaku n aron aikai, ni buokiia aomata ake a rootaki n aono ake e boo iai te bubuaka.
Commentaires