Waaki Kanoan Ana Burokuraem n Otinako te Kiribati Mission n te Midland Resort, Tabiteuea, Tarawa Ieta...
- Tarataake Angiraoi
- Apr 18
- 2 min read

MIDLAND RESORT TABITEUEA,TARAWA IETA – Eberi 17, 2025 — A mena ngkai taani mwakurin te Kiribati Seventh-day Adventist (SDA) Mission n te tabo ni motirawa ae katitika ae Midland Resort iaon Tarawa Ieta ibukin aia kaotinako n te ririki. E kantaningaaki te otinako aio bwa e na ikotiia taani mwakuri n te Mition, Mataniwiin Botaki ni Mwakuri n te mition, ao taani mwakuri n te aobiti ibukin te tai ni manga kabou-ang, ao te ikotaki ibuakon angin te tabo ae rau n raroa man te taaun.
E taku te Beretitenti n te Kiribati Mission, Pastor Taabua Rokeatau, bwa e a tia te Mition n rinea te motirawa n te Itita ni katoa Eberi bwa te tai n otinako man te ktabetabe n te mwakuri ao n tomaaki ma te karikibwai ao bon imarenaia.
“E anganiira te motirawa ae abwabwaki n te Itita te tai n otinako man katabetaben te aobiti ao ni kabanea ara tai inanon te eniwaromenta ae rau,” e taku Pastor Rokeatau. “Bon te tai naba ni kakorakora ara katiteuanaaki bwa te tiim ao ni kaetiira ma ana kantaninga te mition.”
E moanaki te burokuraem n te Ingabong aei ma te kamauri ao n rimwiiaki ma te maroro mairoun te Beretitenti iaon kanoan ana kainibaire te Mition ao manga rinanoan wbaai aika kakawaki ibukint e waaki are a bane n iri iai taani mwakuri—taani kairiri, mataniwiin departments ma ake iai tibwangaia ae kakawaki inanon te Mition ao te Ekaretia.
Kanoan te wiikente bon te te taromauri ao te ikarekebai n reitaki bwa te tiim ibukin katamaroaan kanoan te burokuraem n te ririki 2025 ae - "N na nako tabon Aonnaba."
Comments