E a tia te Raanga ae Korakora n taona nako aon te burawinti ae New South Wales iaon Aotiteria, are a mate iai aman te aomata ao bwi-ni-nga aomata ae a tiku n okoro n aki kona n roko te aba irouia ao e raka iaon 150 aono aika a na bae naba n rootaki.
E waaki ngkai te Ekaretia ni Kaitibong ni kaeka te kanganga aio, riki bon ana bwai n taabo ake a rang korakora rotakiia iaon North New South Wales, n aron ana reirei, umwantabu, ao Aobitin ana Conference iaon Cooranbong.
E waaki ngkai ana rabwata n ibuobuoki ae ADRA Aotiteria ao te Adventist Community Services ni karaoa te ibuobuoki—ni kanoai baeki ni baika kainnanoaki, n tibwatibwai amwarake, ao ni buokiia aomata ake a rootaki.
E rootaki naba ana kanakobwana Faith FM n te ingabong aio ao ni mate ibukin te raanga ae korakora aio.
E taku Adventist Record bwa a teirake mitinare ao kaain te Ekaretia ni Kaitibong ni karaoa te ibuobuoki n taabo ake a kainnanoaki iai ibuobuoki.
E raka iaon 50 taan anganano ake a ira te waaki n ibuobuoki aei ni buokiia aomata ni kairiia nakon taabo ni kamanomano, ao Ekaretia mai Kempsey nako Port Macquarie, a ibuobuoki ni kataniia ake a rootaki, ni kamwarakeia taan ibuobuoki man SES, ao ni katauraoiia imwaain te waaki ni kaitiaki are imwiina.”
E tauraoi ngkai te mwane n ibuobuoki nakoia kaain te Aro ni Kaitibong ake a rootaki. E anga ana wewete te Ekaretia ibukin te tataro, te boutoka, ao te nanoanga ngkai a kaai ni waaki ni kaitara te kanganga aio.
