Matoa ao n Reitinako Aia Reitaki ADRA ao LDS Inanon te Waaki n Ibuobuoki.....

Presiding Bishop Gérald Caussé, right, speaks with Adventist Development and Relief Agency President Michael Kruger at the Church Office Building in Salt Lake City on Thursday, Jan. 16, 2025. The Church of Jesus Christ of Latter-day Saints

A tia ni kamatoa riki aia reitaki ni Mwakuri ibukin kainnanoia te botannaomata ana botaki n Ibuobuoki te Aro ni Kaitibong ae ADRA ao Te LDS.

N te rongorongo ae boou, ao e a tia ADRA n tibwatibwai 5,400 food vouchers nakoia taan birinako mai abaia n te aono ae Kharkiv iaon Ukraine iaan ana boutoka te LDS.

Te reitaki aio boni mwakoron te reitaki ni mwakuri ae reitinako ibukin tobwaan kainnanoia aomata man karekean te boutoka nakoia utu ake a rotaki ni mwiin te bobuaka ae waaki ngkai iaon Ukraine.

Te reitaki aio e kamatoa te motinnano ae ti teuana ibukin buokaia aomata, are riaon riki te taratara ibukin te aro ibukin eutaia riki aomata ni katobibia te aonnaba.

E a kaniia 30 te ririki maanin ara reitaki ni mwakuri te Botaki n Ibuobuoki man te Aro ni kaitibong ae ADRA ma Ana Ekaretia Iesu Kuristo ibukia aika Itiaki ni Boong aika Kaitira, are moanaki ma kamwarakeaia aomata aika baki iaon te aba ae Ecuador n te ririki 1995.

Imwiin te tai anne, ao e a tia korakoraia ni mwakuri teuana anne ni kakabwaiaia aomata aika rotaki n te kainnano inanon karikirake aika 335 mwaitiia n aba aika 85, are katuuaki iai te ibuobuoki iaon karekean te ran ae itiaki, te amwarake ae tau, te reirei, ao buokan te kanganga.

Te katoto iaon te kaai n reitaki aei e oti inanon Tianuare te ririki aei ae 2025, ngke a roko mataniwiin ADRA ni kawara Salt Lake City ni kaitibo ,a taani kairiri man te LDS. 

Adventist Development and Relief Agency President Michael Kruger, middle, speaks with the Presiding Bishopric, the Relief Society general presidency and Welfare and Self Reliance Services staff during a lunch at the Church Office Building in Salt Lake City on Thursday, Jan.16, 2025. | The Church of Jesus Christ of Latter-day Saints

Inanon rokoia aei, ao a neweaba te Welfare Square ao Ana Bwaraki n Ibuobuoki te Bishop, ao ni maroroakin bwaai aika kainnanoaki irouia aomata. 

E kaota kukureina te Beretitenti n ADRA ae Michael Kruger ibukin ana waaki n ibuobuoki te LDS, ao e katuruturua kakawakin te reitaki ma botaki aika titebo nanoia ae te kan buokia aomata aika a kai nanoia. 

Irarikin anne, n te ririki 2020, e a tia ADRA ni karekea te ibuobuoki ae raka iaon $1.7 te mirion ibukin buokaia aomata ake a rotaki n te angibuaka ae Harold n Tebetebeke Maiaki. 

Te ibuobuoki aio e a buokaki irouia taan anganano aika mwaiti, n ikotaki ma ADRA International, Ana Aobiti Aotiteria ibukin Aba Ianena ao Iokinibwai, te LDS, Ana Aobiti Nutiran ibukin Aba Ianena ao Iokinibwai, ao te United Nations Development Programme.

Katoto aikai a kaota te reitaki ae koaua ao n reitinako imarenan ADRA ao Ana Ekaretia Iesu Kuristo ibukia Aika Itiaki ni Boong aika Kaitira ibukin karekean te ibuobuoki ibukia aomata ni katobibiia te aonnaba.

Rineaki Nei Moemoana Safa'atoa Schwenke bwa te Tia Tei ae Boou ibukin Inaomaaia Ataei...

E a tia Botakin Aonnaba Ibukia Ataei ae UNICEF n Tebetebeke ni katanoata rineakin te tia tei ae boou ibukin inaomataia ataei—bwa Nei Moemoana Safa’ato’a Schwenke, Ae te tia kaunga te waaki ibukin bibitakin kanoan boong, te katei, ao ngaia ngkoa Nei Miss Samoa ao Nei Miss Pacific Islands.

E rineaki te ataeinaine aei ae 24 ana ririki ni maiu bwa ana Ambaetieta UNICEF n Tebetebeke inanon tain te Bwabwaro N Tebetebeke Ibukin Karikirakeaia Ataei Man Ngke a Uarereke, imwiin kawarakin kaawa ake a boutokaaki iroun UNICEF iaon Samoa.

E a tauraoi Moemoana ni kabongana rineakina aei ni katanoatai kanganga aika rotiia ataein Tebetebeke—man karekean te reirei ae tamaroa, te tararua n te aoraki, ao te amwarake, nakon te ran ae itiaki ao te katanaki man mwakuri n ioawa.

E kinaaki Nei Moemoana n ana mwakuri ibukin te katei ao nanona ae bati n tei ibukin bibitakin kanoan boong, ao bon te tia mwaie naba ma te biti ao te ai ao te tia korotamnei.

E a tia n tetei ni kaota bwanaaia kaain Tebetebeke n te aonnaba, n ikotaki ma Kaonburenti iaon Bibitakin Kanoan Boong are e wakinna Botaki ni Botannaomata.

Inanon ana tai ni kawara te abamwakoro ae Savai’i, ao e kaitibo ma utu, taan tia reirei, ao taani mwakuri n te kuakua—n noori bwaai ake a kakaraoi kaain kaawa ni boutoka aroia ataei.

Ngkai e a riki Moemoana bwa matan UNICEF ae boou n Tebetebeke, ao e a riki naba bwa raoia Ambaetieta n te aono aika kaunga naba te rikirake nakon taai aika na roko ae akea iai te ataei ae katukaki.

E Kaukaki te Pacifika Futures Forum i Suva, Biiti.

E riaon 150 mwaitiia taani kairiri man Tebetebeke, n ikotaki ma taan iango, ao taan tei ae a botaki iaon Suva, Biiti n te wiiki aei ibukin kaukan te moan Bwabwaro iaon aron Tebetebeke n Taai aika na Roko.

E Karaoaki te bwabwaro ae uoua bongina aio n te Pacific Islands Forum Secretariat—ni boutokaaki iroun te Pacific Islands Forum ao UNDP Pacific, ao te ibuobuoki man te tautaeka n Aotiteria.

Aio bon te mwaneka ae turuturu iaon kawenean te kabwaia ae teimaan nakon taai aika na roko ibukin te Kaontenanti ae Buru ae Tebetebeke.

E kantaningaaki te bwabwaro aei bwa e na ukori nako kanganga aika kakaiaki n aron te tan man bibitakin kanoan boong, tararuaan marawa, rabakau aika boou, ao ai te aro ni kairiri ae a karinaki iai rooro aika kakaokoro. 

Ngkai e noraki bwa e birimwaaka te bitaki n te aonnaba, e kamatata te boowi aio bwa kabwaian Tebetebeke e riai ni kaai ni kateaki, ni kabotoaki inanon te rabakau ni kawai ao te kairiri irouia kaain Tebetebeke.

E waaki te Pasifika Futures Forum man Meei 13 nakon 14, ao e na kainaki n te Suva Grand Pacific Hotel.