Katabwena Ana waaki ni Kamwarake ae Kamarurung 10,000 Toes Iaon Tebetebeke

E a manga reke naba te tia ae boou n te Burokuraem ibukin te Marurung ae te 10,000 Toes ma karaoan te 10,000 Toes Umwanikuuka—te tieweti ae anga amwarake aika kamarurung, aika katoki aoraki nakoia aomata ao taabo ni mwakuri n Tebetebeke.

E moanaki te burokuraem aei man te wiiki are nako ao e a boutokaaki irouia taani kairiri, beretitenti, ao taani mwakuri n te Trans Pacific Union Mission (TPUM) are i Biiti.

E kantaningaaki te tieweti ae boou aei bwa e na bita aron te waaki ni kamwarake man katauraoan amwarake aika bongana ae aki ti kangkang ma a buoka naba buakanakin aoraki n te rabwata.

E a tauraoi ngkai te 10,000 Toes Umwanikuuka n anga amwarake aika baeranti inanon reirei kuuka ao maroro.

E katuruturua te Ambaetieta n te Aono ae George Kwong kakawakin kamwarake aika kamarurung n taai ni bobotaki aika bubura. E taku George bwa a rang mwaiti bobotaki ae anga amwarake aika karekei aoraki aika aki eweewe.

E taku George bwa te waaki e boou ae 10,000 Toes Umwanikuuka e nang tauraoi reirei ao ni kakorakoraia aomata bwa a na kona ni katauraoi amwarake aika kamarurung.

A taku taani waakina te burokuraem aei bwa te katabwena ae karaoaki aei bon te mwaneka ae kakawaki iaon karikirakean te marurung ae teimaan, te raurau teuana imwiin teuana.

Katamaroaan Waaki n Reirei i Kiribati

E waaki ngkai Kiribati n eweki mwaneka ibukin onikakin ana waaki iaon te reirei, n te aro bwa a na kona ni bane n rin riki iai kaain Kiribati ibukin te tamaroa, ao te kona n roko n ana abamwakoro aika maenako n te raroa ae 3,300 te kiromiita.

E ngae ngke e teimatoa ni mwaiti te karinrin n ana moanrinan n reirei, ma bon ti 79 te katebubua mai iai ae reiti nako nakon kauarinan n reirei ake mai nano ke te junior secondary school, ao ti 57 te katebubua ae reke rokona ni kauarinan reirei ake mai ieta ke senior secondary schools.

Ibukin kanoan marenaua aikai, e tabe ngkai ni mwakuri te tautaeka ma te Global Partnership for Education and botaki riki tabeua—ni waakina te babaire ae bubura iaan ana boraraoi n reitaki ke ana National Partnership Compact.

A taraaki itera aika kakawaki n aron katamaroaan taabo n reirei ma bwaai n reirei, riki bon ibukin tobwaan kainnanoia ataei n itera aika kakaokoro.

E na boboto te reirei ni katamaroa ibukia taan reirei ma taani kairiri iaon taraan te tia anga-reirei, kabonganaan anga n angareirei ni kabane, ao kakorakoraan karinaia te botannaomata inanon te waaki n reirei ao te reirei man te aro ni mwaatai e na kamatoa tikuia ataei ni kona ni kabanea aia tai n te reirei.

E waaki naba Kiribati ni katamaroa ana education data systems ao ni waakirake ibukin karekean te ICT ao katomaakin te reirei bwa e na buoka te angareirei ma te reirei.

Waaki aikai a kanikinaea te mwaneka ae kakawaki ibukin buokaia ataein Kiribati bwa e na reke irouia te reirei ae te kabanea n tamaroa—e ngae bwa raroara ngaiia ke buburara konabwai.

Teimatoa Ana Buoka Tiaina Iaon Unikan te Nii ao Karaobwai mai iai....

China Resumes ties with Kiribati, Photo: Courtesy of Xinhua Agency

N te waaki ibukin kakorakoraan te waaki n ununiki iaon Kiribati, e a tia ana karikirake Tiaina ae te China-aided Overseas Training Course iaon Unikan te Nii ao Karaoan Bwaai mai iai n rang n nakoraoi.

Onongaun kaain Kiribati ake a ira buakon te reirei man abamwakoro aika 20 ao n tia naba n reke aia beebwa.

Aio are e a kanikinaea naba ana kaaua n tai Tiaina n anga te reirei ae boboto iaon unikan te nii imwiin ana moan tai ni kamatoa ana iraorao ma Kiribati.

E boboto te burokuraem aei iaon kabuburaan riki te rabakau iaon unikakin te nii ao karaobwai mai iai—are e na kona ni karikirakea riki te maiu n toronibwai ao ni karikirake iaon Kiribati.

A kaai ni kamatoa Kiribati ao Tiaina bwa e na reitinako ni korakora te irekenrao aei, ao n uoti kabwaia nakoia taan mwakuriia te ben.

E oti n te reirei aei tamaroan te ikarekebai iaon te ununiki ma te iokinibwai ngkai e waaki Kiribati ni karikirakei ana waaki ni karaobwai ma aia boutoka aba itinaniku.