Anene 2,500 te Aomata Iaon Bolivia n te “Voices of Hope” Choir Festival

Bolivia Voice of Hope Choir Festival, Photo: Courtesy of Adventist Review

E waaki iaon La Paz, Bolivia te anene n nebonebo ae koro arona ngke a botaki n anene 2,500 taan anene man te Aro ni Kaitibong n ana moan Botaki n Anen ni Kuaea te South Western Bolivia Mission ae aranna bwa Bwanaan te Kantaninga ke “Voices of Hope”.

E taku ana beebwa ni kaongora te Aro ni Kaitibong ae Adventist Review bwa a bane ni katiteuanaaki kuaea ni kabane man te aono aei n te bwana ae ti teuana, n anenei kuuna n taromauri ae kaona te mwaneaba ae bubura n te aro ae e mwaiti ae tiinako Rannimatana n tangiraoin te anene ma kakamaeuna.

A taku taani waakina te burokuraem aei bwa aio bon te tai n irakea te onimaki ae kakawaki, are kaota te anene e teimatoa n riki bwa te buriiti ae matoatoa imarenan karawa ma aon te aba.

E kabotoaki n te Botaki n Anene aei te bwana n anene ae tangiraoi bwa te bwai-ni-mwakuri ae kakawaki ibukin te kabwarabwara ao karikirakean te onimaki.

Ao tiaki ti ngaia ma e anga naba te tai ibukin te reitaki ni katiteuanaaki, ni kaota te motinnano ae nano ma te taarena n te anene ae teimatoa ni mena inanoia kaain te Ekaretia ni Kaitibong.

E kainaki te botaki n anene aei ma te anene are a botaki iai kuaea ni kabaneia n te aro are ngke  tang te bwana, ao e rebwetaua nanon te tabo ni botaki aei n rongorongon te onimaki, kakaitau, ao te kantaninga ae nanomwaaka n te tabo aei ao n nako riki.

Roko i Abarao te Tutuo Ibukin te Tioka ma te Rietata-n-raraa

E reitinako ana waaki n tutuo iaon te tioka ma te rietata n raraa te Health Department man te Kiribati SDA Mission n te wiiki aei, ao e karaoaki ngkoananoa ibukia kaain Abarao ao taabo ake a uakaan ma ngaia.

E kairaki te waaki n tutuo iaon te tioka ma te rietata n rara aei iroun te Health Director ae Teera ma kaain ana tiim aika health ambassadors.

E taku Teera bwa tebubua tabun aomata ake a roko ni kaeka te kakao ibukin te tutuo are a kabutia kaain te Ekaretia ni Kaitibong mai Bikenibeu n te Taabati ae nako.

E aki ti karaoaki te tutuo ma e karaoaki naba te kabwarabwara ae mataata iaon aoraki aika uoua aikai ma aroia aomata ni kauarerekei ke ni katoki—are a noria aomata bwa e rang kakaongora.

E boboto kanoan te kabwarabwara aio ma mwiin ana wareware te mitiin ni katine are e a boni kaota naba te kanganga inanon te rabwata ao e a kona naba n anga ana katautau n am ririki are ko a roko iai ngkai ibukin te aoraki are mena inanon rabwatam. 

E anga naba ana bubuti temanna te tia mwakuri n te tautaeka ngkana e kona ni karaoaki te tutuo ae aron aei n ana tabo ni mwakuri, are e a kaota naba te nano ae korakora ibukin tangiran te marurung tiaki ti nakoina ma nakoia naba raona.

E katuruturua Teera te koaua ae e kakawaki te tutuo, ma karaoan nanon are otinako ni mwiin te tutuo, e a bon rang ni kakawaki riki.

A tuangaki uake a tia n tuoaki n te tai aei bwa a iri nanon taiani bitaki n anuan maiuia ake a tia n tuangaki ao a na manga tuoaki n noraki mwiina inanon nimaua te wiiki are a na manga okiraki iai iroun te tiim tutuo.

E oti man rokoia aomata bwa te marurung e teimatoa n riki bwa te moanibwai irouia aomata nako.

Tuvalu Leader Demands Global Response to Rising Seas at Ocean Conference

NICE, FRANCE - June 7

In France over the weekend, Tuvalu Prime Minister Hon. Feleti P. Teo issued a strong call for global action on climate change and rising sea levels—a message that deeply resonates with Kiribati.

Speaking at the Ocean Rise and Resilience Coalition Summit, Prime Minister Teo described sea level rise as the greatest existential threat to low-lying nations like Tuvalu—threatening not only their economies, but their culture, heritage, and very land.

For Kiribati, the situation is strikingly similar. Coastal erosion, saltwater intrusion, and land loss continue to threaten many of the island communities. Like Tuvalu, Kiribati faces a future that depends on global cooperation and climate justice.

Prime Minister Teo called for fair solutions and access to funding for resilient infrastructure, stressing that no country should face climate change alone.

Kiribati joins the voice of Tuvalu and other Pacific nations in supporting the work of the Ocean Rise and Coastal Resilience Coalition, as it continues to call for global empathy and action—before it’s too late.