E Anga Ana Taeka n Rainanoanga te Ekaretia ni Kaitibong ibukin Tiarite Kwong

Maati 7, Korobu Tarawa

E a tia te Beretitenti n te Ekareita ni Kaitibong i Kiribati ae Pastor Taabua Rokeatau n anga ana taeka n rainanoanga ibukin Tiarite Kwong, te Tia Bitineti ae rang kinaaki ibukin ana tituaraoi, ao nanona ni kani buokia aomata, ao ana ibuobuoki ae bati nakon te Ekaretia ni Kaitibong ao te botannaomata.

N ana katanoata n rainanoanga are ekanakoa iaon Bwanaan Hope Radio ao Bwanaan Kiribati, ao e katuruturua te Beretitenti ana kona Tiarite n atai taian kainnano ao tauraoin nanona n anga te boutoka ike e kainnanoaki iai.

Kinaakin Tiarite iroun te Ekaretia bon karokoan te terewition nakon te reirei ae Kauma i Abemama n akea boona. Aio bon te anganano ae rang kakawaki ae buoka katamaroaan te reirei ibukia ataei, n anganiia te kona ni karekei kaongora aika kakawaki man te aonnaba. Irarikin anne, e a tia ni karokoa naba te intanete nakon te reirei ibukin buokan te waaki n reirei.

Teuana ibuakon ana ibuobuoki ae ai tibwa ngkai riki bon tiaainaakin te boraraoi ma te aro ni Kaitibong ke te Memorandum of Understanding (MOU), are e berita iai bwa e na anga te te channel ae akea boona, ae Channel 2 n ana kanakobwana n te terewition bwa e na toka iai ana kaongora ae boou Kiribati Hope n te terewition. Iteran te boraraoi aei, ao e anganaki te kona ni kabongana ana taua Kiribati Hope ae 50 te miita rietana ao nen ana tabo ni mwakuri ibukin ana tieweti, te irekenrao ae na kona ni buoka karababaan ana rongorogo te Ekaretia.

Inanoon ana taeka n rainanoanga, ao e kaota ana kakaitau Pastor Taabua ae koaua nakon buun Tiarite ae Nei Obera ma natina, ana utu ao raoraona. E nora te bua ae rang buburakaei ae namakinaki irouia ake a kina Tiarite Kwong ao e tataro ibukin Ana rau te Atua ma Ana kabebete bwa e ramwaneia ake a tangiria inanon tain te rawawata aio.

“Ti rang taonaki n te nanokawaki ibukin motirawan Tiarite Kwong,” e taku. Te Beretitenti. “Bon tiaki ti te tia bitineti ae rang n taarena ma bon te aomata naba ni kangai ae rang koaua nanona ni kan ibuobuoki ike e rang kainnanoaki riki iai. Ana ibuobuoki nakon ara Ekaretia, riki nakon ara reirei ae Kauma, e na bon aki kona ni mwaninga te aba. Ti a karababa ara taeka n nanoanga nakon ana utu ao ti tataro bwa Ana rau te Atua E na kaiririia inanon te tai aei.”

Kinaakin Tiarite ae e a tiku ae te akoi, te tituaraoi, ao te tieweti nakoia te botannaomata a na teimatoa n riing nanoia ake a kina. Ana kataratara ma ana mwakuri ibukin katamaroaan te waaki n reitaki ao te reirei iaon Kiribati a na bon tiku mwiia, ao ana ibuobuoki ni kabane a na bane n ururingaki ma te kakaitau inanon ririki aika bati aika na roko. E teimatoa te Ekaretia ni Kaitibong iaon Kiribati ni kakaitau ibukin ana boutoka ae akea n ai arona ao e tei n ti teuana ma te utu ngkai a tabe n rinanon te tai n rawawata aei.

Kiribati SDA Mission Pays Tribute to Late Mr Tiarite Kwong

The Seventh-Day Adventist Church Pays Tribute to Late Mr. Tiarite Kwong for His Exceptional Contributions to the Church and Community.

March 7, 2025 – Tarawa, Kiribati

Photo:: Courtesy of Tiarite family

The President of the Kiribati Seventh-Day Adventist Church, Pastor Taabua Rokeatau has shared a heartfelt condolence message following the passing of Mr. Tiarite Kwong, a talented businessman known for his generosity, passion for helping others, and exceptional contributions to the Adventist Church and community.

In a tribute broadcast over Hope Radio and National Radio, the President highlighted Mr. Kwong’s remarkable ability to identify needs and his willingness to provide support where it was most needed.

Mr. Kwong’s legacy includes bringing live television services to the Adventist boarding school at Kauma, Abemama, free of charge. This was a significant contribution that improved the quality of education for students, offering them access to valuable resources and information from around the world. Additionally, he provided the school with much-needed internet service, further enhancing the educational experience.

In one of his most recent and noteworthy endeavors, Mr. Kwong signed a Memorandum of Understanding (MOU) with the Adventist Administration, pledging to provide a free channel, Channel 2, through his Kiri-One TV service to broadcast Kiribati Hope’s new Hope Channel television programs. In return, he arranged for his television service to use the 50-meter tower of Kiribati Hope to install an antenna, a collaboration that will expand the reach of the Adventist message throughout the nation.

In his tribute, Pastor Taabua expressed sincere gratitude to Mr. Kwong’s wife, Obera, and their children, family, and friends. He acknowledged the profound loss felt by all who knew Mr. Kwong and prayed for God’s peace and comfort to surround his loved ones during this challenging time.

“We are deeply saddened by the passing of Mr. Tiarite Kwong,” the President stated. “He was not only a talented and considerate businessman but also a person with a true passion for helping where and when it mattered most. His contributions to our church, particularly his work with the school in Kauma, will never be forgotten. We extend our deepest sympathy to his family and pray that God’s peace will guide them through this difficult time.”

Mr. Kwong’s legacy of kindness, generosity, and service to the community will continue to inspire those who knew him. His vision and efforts to improve communication and education in Kiribati will have a lasting impact, and his contributions will be remembered with gratitude for many years to come. The SDA church in Kiribati remains thankful for his selfless support and stands with his family as they navigate this sorrowful time.

E Tiaoki Kiribati Ni Maten Te Tia Bitineti ae Tiarite Kwong.

Kiribati Hope, Tarawa, 6 Maati, 2025

Inanon rongorongo aika aki kantaningaaki, ao e tiaoki Kiribati n rongorongon maten Tiarite Kwong, te aomata ae te kabanea ni kaubwai ao ni kinaaki inanon te waaki ni bitineti.

E ataaki Tiarite ibukin ana waaki ni buoka rikiraken kaubwain Kiribati ao kabwaiaia kaain Kiribati, ao buana ae aki kantaningaaki aei, e a katuka te bwangabwanga ae a mwaiti ae a kakoaua bwa e kanganga kanoaakina.

Tiarite bon tiaki ti te Tia Bitineti; ma bon maiuia naba kaain Kiribati. Tein ana mwaanga ma ana bwaraki iaon abamwakoron Kiribati, e a tia n noraki kakawakin are e karaoia ibukin karekean kaako aika rang kainnanoaki, man amwarake nakon bwain te auti, nakon rebwerebwe aika kabwaekekea ngkai bubun tanon Kiribati ao a mwaiti riki.

E bati karinean Tiarite ibukin nanona n tangiria kaain Kiribati bwa a na reke irouia bwaai aika rang kainnanoaki n aron te amwarake ao a bati riki.

Ibukin karinean Maten Tiarite Kwong ae karina, ao a bane n in ana titooa nako iaon Kiribati n te bong aei. Te kainabwaabu n ana tabo nako bon te kakoaua ibukin te bwai are e a tia ni karaoia nakoia kaain Kiribati.

E reke matena aio bwa te atu ni maroro irouia aomata, ni kauringaan baai aika e a tia Tiarite ni karaoi, ao riki nakoia irabubua taani mwakuri ake e a tia ni kateirakeia n ana kambwana.

E taku te rongorongo mairouia kaain te utu bwa teniua kiban Air Kiribati nako ae buutaki ibukin uotakin rabwatan Tiarite ma ana utu nako Abemama ibukin kawenean rabwatana irarikia ana karo aika George Kwong, ao tinana..

Ngkai e a butinako taekan matena, ao a tata n roko bwaintangira ma taeka n rainanoanga man mwakoron Kiribati aika kakaokoro. Kaain te tautaeka, taani kairiri, ao boni kaain Kiribati a bane n anga aia rainanoanga ao n tibwai aia ururing ibukin te aomata ae tiaki ti te tia bitineti ma bon te rao naba ni kangai ae tatangiraki.

E a tia naba n riki Tiarite bwa te Tia Tei ngkoa man ana abamwakoro ae Abemama n ana Autintei Kiribati, ao e a tia naba n riki ngaia bwa te Minitita.

Ngkai e tabe n rainanoanga te aba ibukin Tiarite Kwong, ma bon iai titiraki aika mwemwe iaon aron te ana kambwana ma te bwai are e na kona n rotaki iai te botannaomata ni Kiribati. A mwaiti ae a bon iango bwa antai ae na manga tei imwiina irouia ana utu n taua mwiin are e a tia ni karaoia ao n ataaki iai.

A tiku imwiin Tiarite kainnabana, ae Nei Obera Kwong, are e a tia n riki bwa te boua ni boutoka ibukin buuna ao aia bitineti, ao are e riki naba bwa te Manatia Taairekita n te kambwana. Iai naba natina uoman mwaane ao uoman aine.

N te tai aei ao e tiku te kantaninga iaon karinean te aomata ae e a tia ni kabanea maiuna ibukin tobwaan ao tabekirakeaia kaain Kiribati. E na bon teimatoa n ururingaki Tiarite inanoia aomata aika bati ake e a tia ni mwakuri ibukia.