Bitaki te Tai ni Bukamaru ni Kainaomata 2025

TARAWA — 8 Tuurai, 2025

E a tia te tautaeka ni Kiribati ni katanoata te bitaki nakon te Bong ni Bukamaru Ibukin te Kabwi-ma-Onoua n Ririki n Inaomata 2025.

E a bon tia ngkoa ni baireaki te Kaonobong ae 12 n Tuurai bwa te bong ni bukamaru, ma e a uotaki ngkai nakon te Moanibong, 14 n Tuurai 2025 imwiin ana kariaia Kaebineti.

Te boto ni kantaninga iaon kamwaingan te bong n nebonebo ni kainaomata aei bon tangiraia kaain Kiribati bwa a na bane n ira te Kainaomata.

Te bitaki aio bon ti iaon te Bong ni Bukamaru ao Ana Baka n Amwarake te Tautaeka nakoia ana irua, are a kaai ni mwaing ngkai nakon te Moanibong.

Nikiran kanoa ake a na riai ni waaki n te Kaonobong a na bon tiku n aroia ke are e a manga kona ni baireaki.

E ngae n anne ao te Kanimabong ae 11 n Tuurai e bon tiku bwa aia Bong Aaro, are e na boo iai te reitaki n taromauri irouia aaro.

Sunday ae 13 n Tuurai e na tiku bon ibukia aaro ake a kani karaoi aia waaki n taromauri bon irouia n tatabeua nako.

E anga ana kakaitau te tautaeka nakoia kaain Kiribati, botaki n Aro, ao raao inanon ana waaki ibukin boutokaan te bitaki aio e aonga n riki te kainaomata n te ririki aei bwa te bukamaru iai nanona ae na ururingaki irouia kaain Kiribati ni kabane.

E a Uki Ana 62 Ni Maungatabu te Aro n i Kaitibong iaon St. Louis, Missouri, Amerika..

(Saint Louis – Kanimabong 4 Tuurai 2025) –

E a tia ni kaukaki ana kaonobwi-ma-uoua ni Maungatabu te Ekaretia ni Kaitibong n te Aonnaba iaon St. Louis, Missouri, Amerika ike a roko iai taani kairiiri ao kaain te Aro ni katobibiia te aonnaba ibukin te wiiki n taromauri, ni mwakuri, ao ni babaire ibukin te aonnaba.

N ana taeka ni kaukuuki Beretitenti Ted N. C. Wilson ni butimwaaia taan tei ma irua, ao e katuruturua te botonniango n te maungatabu aei ae: “E nang Roko Iesu. N na nako!” 

E anga ana wewete Beretitenti Wilson nakon te Ekaretia bwa a na nanoteuana ni mwiokoaia ao aia motinnano ibukin takaruaean te kaitira n rongorongo are n te Kaotioti te mwakoro 14 ao te mwakoro 18.

Irarikin are boni kanoan te maungatabu, e na reke naba aia tai taan tei n nora te taromauri ae karokonano, ma taai n reirei, neweabaan ana botaki ni mwakuri nako te General Conference, ao te anene ae karokonano are kaota te ikotaki ae bubura ae katabangaki.

A kantaningaaki naba taani kairiiri n te Aro ni katobibiia te aonnaba bwa a na karaoa aia rinerine iaon bwaai aika kakawaki, n ikotaki ma ana Boto-n-Reirei te Aro ni Kaitibong ao ai manga rinanoan te boki ni mwakuri.

E taetae Wilson ni kaumakia kaain te Ekaretia bwa a na tataro ibukin Ana kairiiri te Tamnei are Raoiroi ao ni manga kaboua aia motinnano nakon taetaekinan te Euangkerio ni katobibiia te aonnaba inanon aia mwakuri kaain te Ekaretia n tatabeman nako, ibukin kantaningaan Manga Okin Kuristo ae e a kaan.

Tangiraki Manga Rinanoan Mwaane ni Buoka Irouia Aban Tebetebeke

A tia Mataniwiin Aban Tebetebeke n tua bwa e na karaoaki manga rinanoan aron butin te Mwane n te aonnaba, ni katuruturui riki kanganga aika rikirake ae a kaitaraaki iai aba aika uarereke.

N ana taetae are e anga i Spain n ana Kaaua ni Boowi te International Conference on Financing for Development, ao e aki wimakiiki te Buraim Minitita mai Tuvalu ae Feleti Teo, te Tia Babaire n aia Botaki Aban Tebetebeke aika Uarereke n tua bwa e na rinanoaki te motiraoi ibukin bibitakin kanoan boong, te taekiti ae boraoi, ao kakorakoraan riki te buoka te mwane.

E kaewenakoia taani kairiri n te aonnaba Buraim Minitita Minister Teo bwa a riai n tei ma aika a kai rootaki ke a na taua te waaki ae aki eti ae kakorakora riki te aki kaboraoaki. 

A kaotinakoaki kanganga aika riai ni moanibwaiaki n aron:– Kamwaitan riki mwanen Bibitakin Kanona Boong ao kabooan mwiin te Mwane are bua ke n uruaki.– Kabonganaan te kainibaire ibukin noran kai rotakin te aba ibukin bairean te mwane ni katangomwane– Karaoan te boraraoi ae kabaeaki te aba iai iaan te Botaki ni Botannaomata n te aro bwa aomata aika kaubwai ma kambwana a na kabwakai aia taekiti n taabo ni kabane ake a mwakuri iai.

-          Kaokan te toma irouia bangke n te aonnaba ma bangke n aba aika uarereke

– Mwanenakin aia karikirake aba aika boto kaubwaia mai marawa– Tabekan te mwaing nako ae kaboraoaki man kabonganaan te bwaa bwa e na katana riki bibitakin kanoan boong.