Nang Bitaki Tein taabo ni Kabo-ika i Teaoraereke...

E mwaakenaki reken te mwaneka ae boou irouia taan akawa i Tarawa Teinainano, ngkai a tia ni kaweneaki Taabo ni kabo-ika aika boou iaon Teaoraereke.

Bwaai ni kabo-ika aika boou aikai—a airi ma aia raurau ibukin kaotakin iika, taura aika maiu man taai, aia bwai n tiaati, ao nen te ran ni kaotinakoaki ao kaintekateka.

A kantaningaaki taabo ni kabo-ika aikai bwa e na kanakoraoa riki kabonakoan iika irarikin te kawai.

Nen kawakinan iika aika uarereke e na katamaroa riki taraan tuan te itiaki, ma te tamaroa, ao te mwengaraoi ibukia taani mwaakete ao taani kaboo-iika.

A rineaki waniman taan akawa mai Teaoraereke ibukin kaukan te karikirake aio, ao a kantaningaaki bwa a na kaai ni mwakuri ma te Kauntira n Teinainano ao te Ministry of Fisheries' Competent Authority team.

E kakabwaiaaki te karikirake aei iroun te Tama Mataia, ao ni koreaki te reeben iroun te Meeia man TUC.

Ibuakon ana taeka te Tia Koroboki ae Riibeta Abeta ao e araniia taani moani kabonganai bwaai ni kabo-ika aikai bwa taani moan kawaka te kabo-iika ae boou i Kiribati.

E nakon $6,000 boon bwaai ni kabo-ika aikai ao e mwanenaki iroun te European Union inanon ana Sector Support Project.

E anga naba ana kakaitau te Ministry nakoia taani karekei bwaai ni boo-iika aikai mai Tiaina ao kaonturaekita mai Kiribati ibukin kanakoraoan te karikirake aei bwa e na nakoraoi n taai nako.

Taua Mooa Tiaina n te Kukune ae Boou n te Aonnaba ni Bwaai ni mwakuri aika Maeu man AI

E a tia ni waerake Tiaina bwa te moan n te aonnaba ni karaoan bwaai aika karaoaki n AI ao ni maiu man te iti, n ana mitiin ae a mwakuri ngkai bwa taokitan te korokoro, taani mwakuri n taabo ni karaobwai, ao iai naba ae a kona n iriko bwa raom n nakonako ni kamarurung.

E boutokaaki te karaobwai aei iroun te tautaeka n Tiaina, ma kabonganakina e korakora bon iaon Tiaina, n te aro are e a riki Tiaina bwa ai te tabo ibukin kakatai n te aonnaba ibukin bwaai aika maiu man te iti.

A tia ni karauaki raoi ni karaoaki wbaai n rabakau aikai tiaki ti ibukin te mwengaraoi, ma e na buoka naba katokan kanganga n te aonnaba, n ikotaki ma kaara ao taabo ake e tare iai te tia mwakuri.

A taku bwakuaku mai Tiaina bwa rikiraken Tiaina e kona ni bita te tai ae na roko bwa a nang kona ni karaoa te ibuobuoki n te kuakua mitiin ao te karaobwai, ao n noraki te kabwaia iai nako tinanikun Tiaina — n ikotaki ma aonon Tebetebeke.

Manga Raka Riki Kaubwain Elon Musk $19 te Birion te Taara Imwiin Kaotinakoan Ana Robotaxi Tesla

E a tia te Birioneea ae Elon Musk ni karaka riki kaubwaina 19 te birion te taraa imwiin kaukan ana Robotaxi Tesla.

E kiba rake kaubwain Elon Musk n 19 te birion n te Moanibong imwiin kaotinakoan ana robotaxi service Tesla ae e a rang maan n tataningaaki i Austin, Texas.

E taekinaki te taxi ae buburakaei aei bwa kabutia bon irouna n te Sunday ae nako ao reke iai tokaia aomata tabeman, n te kantoka ae $4.20 ni kabane, ao bon taani mwakuri n Tesla aika toka moa n te kaukuuki aei.

Te katanoata aio e a kakibarakea riki mwaitin ana kaako Tesla, man 11 te katebubua inanon tain te boobwai ao ni kainiin n 8 te katebubua ae kaniia 350 te taara, are e a kakerikaaka naba ana ruuti n te ririki.

Te katanoata aio e a uota naba bootan kaubwain Elon Musk nakon 385 te birion te taraa, are e a kateia naba n te kabanea ieta n araia aomata aika kabanea ni kaubwai n te aonnaba.

N te rongorongo are nako iaon X, ao e taetae Elon Musk n neboarake Ana bwai n rabakau Tesla ae AI ao tiim ake a karaoa te chip design, ao e arana te kaukuuki aei bwa “karoton raoi te mwakuri korakora ae tebwiina ririkina”

E ngae ngke e kakukurei te rongorongo aei, ma a teimatoa n raraoma taani warebwai.

E irakea ana taakete ni boo UBS nakon $215 ma e kateimatoa ana taratara iaon biribirin te “Kaboobwai”, ao ni kauringa Tesla ae bon iai naba kanganga aika tuai ataaki ae na kaitarai ibukin manon raoi te kaa aei, te kawai, ao ai bon norana raoi ni mwakuri.